Памёр знакаміты беларускі мастак Аляксандр Салаўёў. Яму было 94 гады
Знакаміты беларускі мастак Аляксандр Салаўёў памёр на 95-м годзе жыцця. Пра гэта на сваёй старонцы ў фэйсбуку паведаміў мастак Андрэй Духоўнікаў, піша Tut.by.
Аляксандр Салаўёў нарадзіўся ў 1926 годзе ў Расіі. Ва ўзросце 17 гадоў стаў партызанам, затым ваяваў на фронце. Пасля вайны скончыў Мухінскае вучылішча. У Беларусь Салаўёў трапіў у 1959- м, паступіўшы у тэатральна-мастацкі інстытут.
У 1965 годзе Салаўёў прыехаў у Віцебск, дзе доўгія гады працаваў мастаком-пастаноўшчыкам, пазней галоўным мастаком драматычнага тэатра імя Якуба Коласа. Як распавядала Tut.by мастацтвазнаўца Надзея Усава, аднойчы гэты калектыў адправіўся на гастролі ў Маскву, і яго дэкарацыям, як калісьці работам Льва Бакста, зладзілі авацыі адразу пасля ўзняцця заслоны.
Па словах Усавай, у 1970-я гады ў разгар савецкага застою Салаўёў звярнуўся да абстракцыянізму і стаў рабіць дзіўныя па філасофскай вобразнасці і каляровай насычанасці рэчы — своеасаблівыя каляровыя медытацыі — і выстаўляць іх. У канцы 1970-х яго пастаянна крытыкавалі, а яго выставы закрывалі.
Аляксандра Салаўёва — патрыярха беларускага авангарду — прызналі яшчэ пры жыцці. У 2016-м ён падарыў Нацыянальнаму мастацкаму музею ў Мінску дзясяткі сваіх работ, якія былі паказаны там на персанальнай выставе.
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»2
Каментары