Pamior mastak Alaksandr Sałaŭjoŭ — patryjarch biełaruskaha avanhardu
Pamior znakamity biełaruski mastak Alaksandr Sałaŭjoŭ. Jamu było 94 hady
Znakamity biełaruski mastak Alaksandr Sałaŭjoŭ pamior na 95-m hodzie žyćcia. Pra heta na svajoj staroncy ŭ fejsbuku paviedamiŭ mastak Andrej Duchoŭnikaŭ, piša Tut.by.
Alaksandr Sałaŭjoŭ naradziŭsia ŭ 1926 hodzie ŭ Rasii. Va ŭzroście 17 hadoŭ staŭ partyzanam, zatym vajavaŭ na froncie. Paśla vajny skončyŭ Muchinskaje vučylišča. U Biełaruś Sałaŭjoŭ trapiŭ u 1959- m, pastupiŭšy u teatralna-mastacki instytut.
U 1965 hodzie Sałaŭjoŭ pryjechaŭ u Viciebsk, dzie doŭhija hady pracavaŭ mastakom-pastanoŭščykam, paźniej hałoŭnym mastakom dramatyčnaha teatra imia Jakuba Kołasa. Jak raspaviadała Tut.by mastactvaznaŭca Nadzieja Usava, adnojčy hety kalektyŭ adpraviŭsia na hastroli ŭ Maskvu, i jaho dekaracyjam, jak kaliści rabotam Lva Baksta, zładzili avacyi adrazu paśla ŭźniaćcia zasłony.
Pa słovach Usavaj, u 1970-ja hady ŭ razhar savieckaha zastoju Sałaŭjoŭ źviarnuŭsia da abstrakcyjanizmu i staŭ rabić dziŭnyja pa fiłasofskaj vobraznaści i kalarovaj nasyčanaści rečy — svojeasablivyja kalarovyja miedytacyi — i vystaŭlać ich. U kancy 1970-ch jaho pastajanna krytykavali, a jaho vystavy zakryvali.
Alaksandra Sałaŭjova — patryjarcha biełaruskaha avanhardu — pryznali jašče pry žyćci. U 2016-m jon padaryŭ Nacyjanalnamu mastackamu muzieju ŭ Minsku dziasiatki svaich rabot, jakija byli pakazany tam na piersanalnaj vystavie.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary