Вольга Карач аб'явіла аб стварэнні «шырокай кааліцыі», але потым перадумала
На сайце ініцыятывы «Наш дом», а таксама ў сацыяльных сетках арганізацыі 19 мая з’явілася паведамленне аб стварэнні «шырокай грамадзянскай кааліцыі». Праўда, потым чамусьці знікла.
За «Нашым домам» стаіць Вольга Карач, адна з блогераў, якая жыве ў Вільні. «Кааліцыя ствараецца па прынцыпе роўнасці, а ў «баявой» абстаноўцы будуць бачныя больш актыўныя члены каманды, якія і стануць лідарамі, увойдуць у склад часовага ўрада. Пасля канчатковай дамоўленасці аб палітычным суб'екце плануецца запуск рэкламы сілавога блока, які людзі змогуць падтрымаць фінансава», — адзначыла Вольга Карач.
Хто ж увойдзе ў гэтую кааліцыю? Называюцца наступныя арганізацыі — «Буслы ляцяць», Дружыны народнай самаабароны (ДНС), а таксама Атрады грамадзянскай самаабароны Беларусі (АГСБ). Гэта ўсё дастаткова малалікія суполкі ў тэлеграме. Яны пазіцыянуюць сябе ў якасці радыкалаў і не згодныя з той палітыкай, што праводзіць Ціханоўская.
Той жа ДНС і «Буслы ляцяць» на сваіх старонках у сацыяльных сетках актыўна піярыў арыштаваны па справе змовы супраць Лукашэнкі Юрась Зянковіч. Усе гэтыя суполкі пазіцыянуюць сябе ў якасці «сілавікоў», але вельмі цяжка меркаваць, ці ёсць там сапраўды сілавікі, дзейныя ці хаця б былыя.
«Невялікія рознагалоссі ёсць, але ўсім зразумела адно і ў чым усе сыходзяцца — трэба як мага хутчэй выпусціць усіх зняволеных па палітычных матывах, максімальна хутка правесці новыя выбары. Увосень дадасца яшчэ адно важнае і складанае пытанне — ацяпляльны сезон, таму трэба паспець завяршыць справы да гэтага перыяду», — пракаментавала Карач.
Таксама кіраўніца «Нашага дома» кажа, што будзе рада далучэнню да кааліцыі Святланы Ціханоўскай. Чамусьці праз пару гадзін гэтае паведамленне паўсюль пазнікала.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары