Сотні дронаў стварылі на небе «Зорную ноч» Ван Гога — і трапілі ў Кнігу рэкордаў Гінэса
Знакамітая карціна Ван Гога «Зорная ноч» — адна з самых пазнавальных у свеце, бо з’яўлялася ўжо на самых розных паверхнях — ад кубкаў да веласіпеднай дарожкі. А нядаўна карціна з’явілася яшчэ і на начным небе дзякуючы дронам.
Агулам спатрэбілася 600 дронаў, каб стварыць «Зорную ноч» на небе ў Цяньцзіні, што на поўначы Кітая. Кампанія па вытворчасці беспілотных лятальных апаратаў EFYI Group, разам з Цяньцзіньскім універсітэтам, паставілі сусветны рэкорд па працягласці анімацыі, выкананай дронамі. Анімацыя доўжылася 26 хвілін і 19 секунд, паведамляецца на сайце Кнігі рэкордаў Гінэса.
«Зорная ноч» была не адзінай карцінай, якую паказалі дроны. Беспілотнікі прадэманстравалі гісторыю жыцця мастака, а таксама яшчэ некаторыя вядомыя карціны, у тым ліку «Пшанічнае поле з кіпарысамі» і творы з серыі «Сланечнікі».
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары