Канцлер Германіі Ангела Меркель прыме заўтра, 6 кастрычніка, экс-кандыдата ў прэзідэнты Беларусі Святлану Ціханоўскую ў якасці «вядучай і ключавой фігуры беларускай апазіцыі», паведаміў афіцыйны прадстаўнік урада ФРГ Штэфэн Зайберт, піша Інтэрфакс.
«Канцлер рада сустрэчы са спадарыняй Ціханоўскай», — сказаў ён. Ён не ўдакладніў, аб чым менавіта на сустрэчы ў Берліне пойдзе гаворка.
«Я не магу гэта каментаваць загадзя», — адзначыў Зайберт.
Раней сама Ціханоўская сказала ў інтэрв'ю Spiegel, што плануе абмеркаваць з Меркель перспектывы ўдзелу Берліна як пасярэдніка ў выпадку пачатку перамоў паміж беларускімі ўладамі і апазіцыяй.
Сустрэча Меркель і Ціханоўскай запланаваная на аўторак, яна пройдзе ў Бэрліне. У сваю чаргу афіцыйная прадстаўніца МЗС ФРГ сказала, што ў сераду раніцай Ціханоўская сустрэнецца з міністрам замежных спраў Нямеччыны Хайка Маасам.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца7
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары