Два лейтэнанты Узброеных сіл выратавалі падлеткаў, якія ледзь не патанулі ў крэйдавым кар'еры побач з Бярозай. Пра выпадак паведамляе Мінабароны ў сваім тэлеграм-канале.
Іван Прылепа і Ягор Ліша — афіцэры 927 цэнтра падрыхтоўкі і прымянення беспілотных авіяцыйных комплексаў.
3 жніўня, знаходзячыся недалёка ад аднаго з крэйдавых кар'ераў паблізу Бярозы, Іван і Ягор пачулі крыкі аб дапамозе двух хлопчыкаў, тыя танулі. Лейтэнанты кінуліся ў ваду і выцягнулі падлеткаў, пасля чаго адвезлі іх у Бярозаўскую цэнтральную раённую бальніцу, дзе ім аказалі неабходную медычную дапамогу.
Іван Прылепа і Ягор Ліша — аператары авіяцыйнага атрада эскадрыллі беспілотных авіяцыйных комплексаў.
У Бярозу афіцэры прыбылі да свайго першага месца службы пасля заканчэння вучобы ў Беларускай дзяржаўнай акадэміі авіяцыі.
Цяпер чытаюць
«Фемінізм у маім выпадку перамог». Вераніка Станкевіч — пра дапамогу палітвязням у «Вольных» і планы на вяселле з Івуліным2
Каментары