Карлюкевіч, Анфімаў, Ермаловіч: хто з чыноўнікаў застаўся без працы
Кіраўнік краіны Аляксандр Лукашэнка 4 чэрвеня зладзіў кадравы ператрус, памяняўшы перад выбарамі вялікую частку ўрада. Хто ж застаўся без працы ў выніку гэтых зменаў?
Сяргей Румас (прэм’ер-міністр)
Кіраўніком урада Румас папрацаваў менш за два гады. Лукашэнка сказаў, што вялікіх прэтэнзій да працы Румаса не мае, але, маўляў, той хоча заняцца бізнэсам. Паглядзім, дзе выплыве фінансіст.
Чытайце: Сем фактаў пра Сяргея Румаса
***
Леанід Анфімаў (старшыня КДК)
Адзін з найбольш пазнавальных твараў сённяшняй сістэмы. Анфімаў даўно пенсіянер. Узначальваў адно з найбольш грозных ведамстваў. Лукашэнка вельмі часта клікаў Анфімава да сябе на прыёмы. Кажуць, што яны калісьці нават разам ездзілі на рыбу.
Чытайце: Пяць фактаў пра Леаніда Анфімава
***
Уладзімір Дворнік (віцэ-прэм’ер)
Ва ўрадзе адказваў за блок, звязаны з сельскай гаспадаркай. На пасадзе прабыў усяго крыху больш за год. Да гэтага доўгі час быў старшынёй Гомельскага аблвыканкама. Сельская гаспадарка — тая сфера, дзе чыноўнікаў мяняюць найчасцей.
Чытайце: Пяць фактаў пра Уладзіміра Дворніка
***
Аляксандр Карлюкевіч (міністр інфармацыі)
На пасадзе прабыў 2,5 года. Быў далёка не самым благім міністрам гэтага ведамства. Карлюкевіч адкрыта ніколі не шэльмаваў незалежныя СМІ. І спрабаваў, як мог, трымаць нейкі баланс. Цяпер, кажуць, ён можа ўзначаліць праўладны Саюз пісьменнікаў замест пенсіянера Мікалая Чаргінца.
Чытайце: Пяць фактаў пра Аляксандра Карлюкевіча
***
Максім Ермаловіч (міністр фінансаў)
Меў рэпутацыю рыначніка, ці «паўрыначніка», як ён сам сябе іранічна называў. Папрацаваў каля паўтара года. Калегі рэкамендуюць Ермаловіча як добрага спецыяліста і працаголіка.
Чытайце: Сем фактаў пра Максіма Ермаловіча
***
Дзмітрый Мікулёнак (міністр архітэктуры)
Прыйшоў ва ўрад адначасова з Сяргеем Румасам. Раней працаваў ва ўпраўленні будаўніцтва Мінгарвыканкама. Нічым не запомніўся.
Чытайце: Што вядома пра Дзмітрыя Мікулёнка
***
Павел Уцюпін (міністр прамысловасці)
Ураджэнец Далёкага Усходу, але гадаваўся ў Барысаве. Папрацаваў на «Белшыне» і «Фрэбары». А потым ужо будаваў кар’еру ўнутры Міністэрства. Таксама нічым не запомніўся.
Чытайце: Пяць фактаў пра Паўла Уцюпіна
***
Аляксандр Церахаў (міністр ЖКГ)
У свой час быў самым маладым міністрам ва ўрадзе Лукашэнкі. Папрацаваў ён нямала, амаль шэсць гадоў.
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі40
Каментары