Karlukievič, Anfimaŭ, Jermałovič: chto z čynoŭnikaŭ zastaŭsia biez pracy
Kiraŭnik krainy Alaksandr Łukašenka 4 červienia zładziŭ kadravy pieratrus, pamianiaŭšy pierad vybarami vialikuju častku ŭrada. Chto ž zastaŭsia biez pracy ŭ vyniku hetych źmienaŭ?
Siarhiej Rumas (premjer-ministr)
Kiraŭnikom urada Rumas papracavaŭ mienš za dva hady. Łukašenka skazaŭ, što vialikich pretenzij da pracy Rumasa nie maje, ale, maŭlaŭ, toj choča zaniacca biznesam. Pahladzim, dzie vypłyvie finansist.
Čytajcie: Siem faktaŭ pra Siarhieja Rumasa
***
Leanid Anfimaŭ (staršynia KDK)
Adzin z najbolš paznavalnych tvaraŭ siońniašniaj sistemy. Anfimaŭ daŭno piensijanier. Uznačalvaŭ adno z najbolš hroznych viedamstvaŭ. Łukašenka vielmi časta klikaŭ Anfimava da siabie na pryjomy. Kažuć, što jany kaliści navat razam jeździli na rybu.
Čytajcie: Piać faktaŭ pra Leanida Anfimava
***
Uładzimir Dvornik (vice-premjer)
Va ŭradzie adkazvaŭ za błok, źviazany ź sielskaj haspadarkaj. Na pasadzie prabyŭ usiaho krychu bolš za hod. Da hetaha doŭhi čas byŭ staršynioj Homielskaha abłvykankama. Sielskaja haspadarka — taja śfiera, dzie čynoŭnikaŭ mianiajuć najčaściej.
Čytajcie: Piać faktaŭ pra Uładzimira Dvornika
***
Alaksandr Karlukievič (ministr infarmacyi)
Na pasadzie prabyŭ 2,5 hoda. Byŭ daloka nie samym błahim ministram hetaha viedamstva. Karlukievič adkryta nikoli nie šelmavaŭ niezaležnyja ŚMI. I sprabavaŭ, jak moh, trymać niejki bałans. Ciapier, kažuć, jon moža ŭznačalić praŭładny Sajuz piśmieńnikaŭ zamiest piensijaniera Mikałaja Čarhinca.
Čytajcie: Piać faktaŭ pra Alaksandra Karlukieviča
***
Maksim Jermałovič (ministr finansaŭ)
Mieŭ reputacyju rynačnika, ci «paŭrynačnika», jak jon sam siabie iranična nazyvaŭ. Papracavaŭ kala paŭtara hoda. Kalehi rekamiendujuć Jermałoviča jak dobraha śpiecyjalista i pracaholika.
Čytajcie: Siem faktaŭ pra Maksima Jermałoviča
***
Dźmitryj Mikulonak (ministr architektury)
Pryjšoŭ va ŭrad adnačasova ź Siarhiejem Rumasam. Raniej pracavaŭ va ŭpraŭleńni budaŭnictva Minharvykankama. Ničym nie zapomniŭsia.
Čytajcie: Što viadoma pra Dźmitryja Mikulonka
***
Pavieł Uciupin (ministr pramysłovaści)
Uradženiec Dalokaha Uschodu, ale hadavaŭsia ŭ Barysavie. Papracavaŭ na «Biełšynie» i «Frebary». A potym užo budavaŭ karjeru ŭnutry Ministerstva. Taksama ničym nie zapomniŭsia.
Čytajcie: Piać faktaŭ pra Paŭła Uciupina
***
Alaksandr Cierachaŭ (ministr ŽKH)
U svoj čas byŭ samym maładym ministram va ŭradzie Łukašenki. Papracavaŭ jon niamała, amal šeść hadoŭ.
Kamientary