Аляксей Венядзіктаў у размове з Аляксандрам Лукашэнкам узняў пытанне зніклых палітыкаў, а таксама нядаўняга фільма «Дойчэ Вэле», дзе былы спецназавец Юрый Гараўскі прызнаецца ў забойствах палітычных апанентаў улады.
— Ведаеце, ніхто зверху, акрамя прэзідэнта, у такіх выпадках не можа даць каманду. Калі Пуцін, Лукашэнка не дадуць такую каманду, ні Бортнікаў (дырэктар ФСБ РФ), ні наш Вакульчык (кіраўнік КДБ Беларусі), КДБ, ФСБ ніколі на гэта не пойдуць. Бо гэта злачынства з пахам палітыкі. (…) Я ніколі ў жыцці не даваў і даваць не буду такой каманды. Адказ просты: навошта гэта мне трэба было? Навошта? Што змянілася, што не стала ў Беларусі дваіх ці траіх чалавек, тым больш аператара, пра якога гавораць. Там жа змяшалі ўсё ў кучу.
Дзіма Завадскі загінуў праз Чачню, праз Шарамета.
Не трэба гэта грузіць на мяне. Я такіх камандаў не аддаваў, мне гэта не трэба было.
Якімі яны палітыкамі былі? Віця Ганчар заўсёды быў маім добрым таварышам, сябрам. Мы з ім у адным парламенце былі, не толькі ў адну лазню хадзілі. Быў там бізнэсмен нейкі яшчэ…» — сказаў Лукашэнка
«Красоўскі», — удакладніў Венядзіктаў.
«Я яго ўвогуле не ведаў! Захаранка звязаўся ў бізнэсе з Украінай. Грошы ўзяў аграмадныя, нібыта ва ўладзе ў яго ўсё схоплена. Гадоў сем-восем назад двух з трох іх сфоткалі на вуліцы ў Германіі. Я запыт даў у Германію, бо надрукавана было ў нямецкай прэсе, а не ў нашай. Цішыня», — сказаў кіраўнік краіны.
Пра інтэрв’ю Гараўскага Лукашэнка нібыта загадаў Следчаму камітэту патрабаваць таго, каб Гараўскі даў паказанні ў Беларусі «Навошта гэта? Бо заўтра прэзідэнцкія выбары. Былі ўжо «Бацька-1, -2, -3», а цяпер зноў укінулі гэтую тэму», — фактычна Лукашэнка такім чынам намякнуў, што за гэтым відэа можа таксам быць Расія.
«Я не сачу за справай Шарамета. Валодзя Зяленскі — чалавек прынцыповы, ён разбярэцца без мяне», — адзначыў беларускі лідар.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў150
Каментары