Фота Ірыны Арахоўскай, Белсат
Моладзевы актывіст Пятро Маркелаў, пакараны 14 суткамі адміністратыўнага арышту за здымкі на выбарчым участку, 23 снежня выйшаў на волю з Цэнтра ізаляцыі правапарушальнікаў на Акрэсціна, піша Белсат.
Сустракаць Пятра прыйшлі паплечнікі з «Моладзевага блоку», грамадскія актывісты і праваабаронцы.
«Самае горшае ў ЦІП — не фактычныя ўмовы, а стаўленне супрацоўнікаў», — сказаў Маркелаў.
Падчас мінулых парламенцкіх выбараў Маркелаў быў назіральнікам на ўчастку №286 99-й акругі. Пасля таго, як ён стаў здымаць на відэа патрабаванне кандыдата ў дэпутаты Стаса Шашка пералічыць пададзеныя за яго галасы, на ўчастак прыбыў нарад міліцыі. Пасля непрацяглай размовы на назіральніка надзелі кайданкі і павезлі ў аддзел міліцыі. Яго звінавацілі ў дробным хуліганстве і непадпарадкаванні міліцыі.
«Запускайце далей салюты, а я выклічу міліцыю». Беларусы спрачаюцца пра забарону на феерверкі2
Каментары