«Галіяфы» прапануюць: новы раман Гапеевай і зборнік апавяданняў Камінскай
Сёлета ў выдавецтве «Галіяфы» шмат розных цікавых выданняў, сярод якіх вылучаюцца дзве кнігі прозы: раман Вольгі Гапеевай «Кэмэл-Трэвэл» і зборнік апавяданняў Зараславы Камінскай «Калядны стол. Некулінарная кніга».
Наватарскі раман Вольгі Гапеевай «Кэмэл-Трэвэл» апісвае сусвет, дзе суіснавалі некалькі рэчаіснасцяў, гімнаў, сталіцаў, ідэнтычнасцяў.
На гэтым фоне разгортваюцца жыццёвыя прыгоды галоўнай гераіні. Раман — гісторыя чалавечай крохкасці і даверу ў эпоху жуды і дэфіцыту не толькі прадуктаў, але і пачуццяў.
З першых старонак аўтарка корпаецца ва ўласнай ідэнтычнасці і ідэнтычнасці беларусаў (моўнай, нацыянальнай, гендарнай, прафесійнай).
«Калядны стол. Некулінарная кніга» — файны падарунак на Каляды ці Новы год: ілюстраваны зборнік апавяданняў з асабліва ўтульным настроем, якога зараз не хапае. Аўтарка — Зараслава Камінская, лаўрэатка прэміі «Дэбют-2018».
Апавяданні, сабраныя ў кнізе, натхняюць на ўспаміны пра вашы асабістыя гісторыі. Што вы любілі есці, калі былі маленькімі? Хто для вас гатаваў калісьці і для каго вы гатуеце зараз? Што вы елі апошнім разам, калі адчувалі сябе шчаслівым?
Калі вы не можаце ўзгадаць ніводнай гісторыі, пачніце чытаць, і ўспаміны з’явяцца над старонкамі, нібыта пара над гарачым рондалем.
Кнігі выдавецтва «Галіяфы» можна набыць у інтэрнэт-кнігарні. Або па адрасе: Няміга, 3, цокальны паверх, бокс 47.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары