Затрымалі падазраваных у забойстве трохгадовага хлопчыка ў Кіеве — ім 18 і 19 гадоў
Падазраваныя ў забойстве хлопчыка ў цэнтры Кіева — гэта мужчыны 18 і 19 гадоў. Пра гэта на брыфінгу паведаміў намеснік старшыні Нацыянальнай паліцыі Украіны Андрэй Крышчанка, піша bbc.com.
Адна з асноўных версій — фінансава-гаспадарчая дзейнасць Вячаслава Собалева, бацькі загінулага хлопчыка.
Знойдзеная і зброя, з якой здзейснілі забойства: карабін калібрам 7,62 мм.
У нядзелю ў Кіеве невядомы страляў у аўтамабіль, у салоне якога знаходзілася сям'я. Куля трапіла ў трохгадовага хлопчыка, які ад атрыманых траўмаў памёр па дарозе ў бальніцу.
За рулём Range Rover быў бізнэсмен і дэпутат Кіеўскай абласной рады Вячаслаў Собалеў.
Вячаслаў Собалеў — украінскі эканаміст і бізнэсмен. Працаваў у НАК «Нафтагаз Украіны». У 2005—2006 год быў намеснікам мэра Данецка. У 2015 стаў дэпутатам Кіеўскай абласной рады ад партыі «Блок Пятра Парашэнкі».
Цяпер ён таксама займаецца рэстаранным бізнэсам. З адкрытых рэестраў вядома, што мае нерухомасць у Данецку.
Собалеў — бацька пяцярых дзяцей, яго малодшы сын нарадзіўся ў 2016 годзе.
Каментары