Канапацкая прапанавала паставіць кропку ў гісторыі з Саюзнай дзяржавай праз рэферэндум
Брацкім народам Беларусі і Расіі Саюзная дзяржава як палітычны праект не трэба. І, магчыма, прыйшоў час паставіць кропку ў гісторыі з Саюзнай дзяржавай праз рэферэндум. Пра гэта ў сябе ў фэйсбуку напісала дэпутат Ганна Канапацкая.
«Праект Саюзнай дзяржавы за 20 гадоў так і застаўся мёртванароджаным дзіцем. Першапачаткова яго ў сваіх палітычных мэтах выкарыстаў прэзідэнт Беларусі. Затым аб Саюзнай дзяржаве ўспаміналі хіба што 2 красавіка, і тое даволі вузкае кола людзей. Праект існаваў толькі на паперы і ў частцы створаных фармальных органаў. І вось сёння ў палітычных мэтах яго пачалі выкарыстоўваць расійскія палітыкі, прычым фактычна з пагрозамі эканамічнага ціску на нашу краіну», — піша яна.
«Брацкім народам Беларусі і Расіі Саюзная дзяржава як палітычны праект не трэба. А для эканамічнай інтэграцыі з Расеяй, у падтрымку якой на першым беларускім рэферэндуме выказалася больш за 83% грамадзян нашай краіны, і існуе ЕАЭС», — адзначае дэпутат.
«Магчыма, прыйшоў час паставіць кропку ў гісторыі з Саюзнай дзяржавай, каб назаўсёды спыніць, у тым ліку шэраг скандалаў і ўзаемных папрокаў па пытаннях інтэграцыі паміж кіраўніцтвам Беларусі і Расіі, якія зноў пачалі публічна гучаць з канца мінулага года. Зрабіць гэта можна толькі праз рэферэндум, які могуць ініцыяваць або 450.000 беларусаў, або Нацыянальны сход, або прэзідэнт. падтрымліваеце вы такую ініцыятыву?», — пытаецца Ганна Канапацкая.
Каментары