Kanapackaja prapanavała pastavić kropku ŭ historyi z Sajuznaj dziaržavaj praz refierendum
Brackim narodam Biełarusi i Rasii Sajuznaja dziaržava jak palityčny prajekt nie treba. I, mahčyma, pryjšoŭ čas pastavić kropku ŭ historyi z Sajuznaj dziaržavaj praz refierendum. Pra heta ŭ siabie ŭ fejsbuku napisała deputat Hanna Kanapackaja.
«Prajekt Sajuznaj dziaržavy za 20 hadoŭ tak i zastaŭsia miortvanarodžanym dziciem. Pieršapačatkova jaho ŭ svaich palityčnych metach vykarystaŭ prezident Biełarusi. Zatym ab Sajuznaj dziaržavie ŭspaminali chiba što 2 krasavika, i toje davoli vuzkaje koła ludziej. Prajekt isnavaŭ tolki na papiery i ŭ častcy stvoranych farmalnych orhanaŭ. I voś siońnia ŭ palityčnych metach jaho pačali vykarystoŭvać rasijskija palityki, pryčym faktyčna z pahrozami ekanamičnaha cisku na našu krainu», — piša jana.
«Brackim narodam Biełarusi i Rasii Sajuznaja dziaržava jak palityčny prajekt nie treba. A dla ekanamičnaj intehracyi z Rasiejaj, u padtrymku jakoj na pieršym biełaruskim refierendumie vykazałasia bolš za 83% hramadzian našaj krainy, i isnuje JEAES», — adznačaje deputat.
«Mahčyma, pryjšoŭ čas pastavić kropku ŭ historyi z Sajuznaj dziaržavaj, kab nazaŭsiody spynić, u tym liku šerah skandałaŭ i ŭzajemnych paprokaŭ pa pytańniach intehracyi pamiž kiraŭnictvam Biełarusi i Rasii, jakija znoŭ pačali publična hučać z kanca minułaha hoda. Zrabić heta možna tolki praz refierendum, jaki mohuć inicyjavać abo 450.000 biełarusaŭ, abo Nacyjanalny schod, abo prezident. padtrymlivajecie vy takuju inicyjatyvu?», — pytajecca Hanna Kanapackaja.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram25
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary