П'яны гамяльчук спрабаваў скрасці «Жыгулі», але перашкодзіла лавачка ў двары
Увечары 25 лютага ў міліцыю паступіла паведамленне, што ў адным гомельскім двары жыгулі ўрэзаліся ў лавачку і адляцелі ў слуп. Пры гэтым кіроўца з месца ДТЗ збег.
На месца здарэння выехалі супрацоўнікі ДАІ. Высветлілася, што ўладальнік аўто ў гэты час быў дома, нікуды не выязджаў. Праваахоўнікі апыталі відавочцаў аварыі. Так з'явіўся прыблізны партрэт зламысніка. Міліцыянты агледзелі суседнія двары.
Вывучаючы запіс з камеры відэаназірання ў адной з крам, пазналі па прыкметах гэтага чалавека. Неўзабаве атрымалася высветліць асобу злачынца. Праваахоўнікі выехалі да яго дадому, дзе і затрымалі.
У момант здзяйснення злачынства 25-гадовы хлопец быў п'яны, віну прызнаў, але свой учынак растлумачыць не змог.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе26
Каментары