Рэдактар «Эхо Москвы»: Расійскія кіраўнікі ставяцца да Беларусі як да Крыма. Калі ўпадзе ў рукі — тады і возьмем
Галоўны рэдактар расійскай радыёстанцыі «Эхо Москвы» Аляксей Венедыктаў у сваёй перадачы пракаментаваў чарговае абвастрэнне беларуска-расійскіх адносін.
«Я заўсёды казаў, я згодны з прэзідэнтам Лукашэнкам, што адна з магчымасцей і ўяўленняў цяперашняй крамлёўскай каманды — гэта інтэграцыя з Беларуссю. Хуткасць і форма інтэграцыі ў Крамлі і Беларусі розныя. Так, Лукашэнка хоча захаваць для Беларусі незалежнасць і быць незалежным прэзідэнтам», — адзначыў Венедыктаў.
«І калі я быў у Беларусі мінулым летам, — сказаў рэдактар «Эхо Москвы», — я бачыў, якім чынам даволі хуткімі тэмпамі даволі хутка развіваецца ўкараненне беларускай мовы, напрыклад, беларускай гісторыі. «І мы наследнікі не Кіева, — кажа Лукашэнка, — як Масква, а мы наследнікі Вялікага княства Літоўскага. Мы наследнікі Вільні».
Па словах Венедыктава, тэма найбліжэйшай сустрэчы Лукашэнкі з Пуціным — не толькі нафта, але гэта таксама «сутнасная гісторыя, ці стане Беларусь Крымам ў тым ці іншым выглядзе».
«Уяўленне цяперашняй кіруючай каманды на Беларусь я ўяўляю. Яно такое ж было і на Крым раней. Ну, пакуль што не — не. А калі ўпала ў рукі — тады і возьмем»,
— адзначыў Венедыктаў.
На пытанне «У Расіі хопіць грошай яшчэ і на Беларусь?» галоўны рэдактар »Эхо Москвы» адказаў: «У нас усё ёсць».
-
«Не было б БНФ — не было б і сесіі. Не сабраліся б на яе камуністы». Навумчык рэзка адказаў «абвяргацелю» Цыганкову
-
«Лірыка пра тое, што 25 жніўня 1991 года нехта прыгожа выступіў, і ўсе памянялі свае погляды — гэта для мастацкага кіно»
-
Таццяна Заміроўская напісала, чаму яна прыходзіць у каменты да людзей, якія ставяць у сябе ў сацсетках пасты, напісаныя ШІ
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3519
Каментары