Саўладальнік модных мінскіх устаноў, у прыватнасці бара «Шцірліц», Улад Брыштэль затрыманы супрацоўнікамі праваахоўных органаў па падазрэнні ў распаўсюдзе наркотыкаў.
32-гадовы бізнэсовец абвінавачваецца ў тым, што ён незаконна з мэтай збыту захоўваў каля 4,8 г асабліва небяспечнага псіхатропу — мефедрону.
Знаёмыя бізнэсмэна распавядаюць, што на гэта Брыштэля маглі штурхнуць нізкія даходы ад рэстараннага бізнесу. «Кажуць, ён сам паказаў больш за 20 зробленых ім закладак. Напэўна, грошы былі патрэбныя — дзіця ад першага шлюбу ў яго хворае, а тут Улад сабраўся сваёй дзяўчыне прапанову зрабіць…» — выказаў меркаванне яго знаёмы.
У СК не змаглі аператыўна пракаментаваць інфармацыю аб затрыманні.
Брыштэль раней судзімы. У інтэрв'ю Citydog ён распавядаў, як больш за дзесяць гадоў таму атрымаў мінімальны тэрмін па артыкуле за хуліганства з ужываннем зброі (арт. 339, ч.3 Крымінальнага кодэкса.
Мефедрон адносіцца да амфетамінаў, яго продажы пачыналіся ў ЗША каля васьмі гадоў таму як «солі для ваннаў».
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро4
Каментары