Saŭładalnik modnych minskich ustanoŭ, u pryvatnaści bara «Šcirlic», Uład Bryštel zatrymany supracoŭnikami pravaachoŭnych orhanaŭ pa padazreńni ŭ raspaŭsiudzie narkotykaŭ.
32-hadovy biznesoviec abvinavačvajecca ŭ tym, što jon niezakonna z metaj zbytu zachoŭvaŭ kala 4,8 h asabliva niebiaśpiečnaha psichatropu — miefiedronu.
Znajomyja biznesmena raspaviadajuć, što na heta Bryštela mahli šturchnuć nizkija dachody ad restarannaha biźniesu. «Kažuć, jon sam pakazaŭ bolš za 20 zroblenych im zakładak. Napeŭna, hrošy byli patrebnyja — dzicia ad pieršaha šlubu ŭ jaho chvoraje, a tut Uład sabraŭsia svajoj dziaŭčynie prapanovu zrabić…» — vykazaŭ mierkavańnie jaho znajomy.
U SK nie zmahli apieratyŭna prakamientavać infarmacyju ab zatrymańni.
Bryštel raniej sudzimy. U intervju Citydog jon raspaviadaŭ, jak bolš za dziesiać hadoŭ tamu atrymaŭ minimalny termin pa artykule za chulihanstva z užyvańniem zbroi (art. 339, č.3 Kryminalnaha kodeksa.
Miefiedron adnosicca da amfietaminaŭ, jaho prodažy pačynalisia ŭ ZŠA kala vaśmi hadoŭ tamu jak «soli dla vannaŭ».
Kamientary