Цяпер яму пагражае да 10 гадоў пазбаўлення волі, паведамляе прэс-служба УУС Мінаблвыканкама.
У ліпені ў міліцыю паступіла паведамленне з Мінскай абласной дзіцячай клінічнай бальніцы. Дактары распавялі, што да іх трапіла 16-гадовая жыхарка Стоўбцаў з прыкметамі наркатычнай перадазіроўкі.
Міліцыя высветліла, што 16 ліпеня дзяўчына са сваім 18-гадовым знаёмым выехалі ў лес каля вёскі Каралёў Стан Мінскага раёна, дзе была псіхатропная схованка. Забраўшы «закладку», хлопец угаворамі і асабістым прыкладам угаварыў непаўнагадовую паспрабаваць псіхатроп. Пасля гэтага дзяўчына адчула сябе дрэнна, а малады чалавек збег. Дзяўчыну ў неадэкватным стане выявілі мясцовыя жыхары, якія паведамілі пра яе медыкам. У бальніцы дыягнаставалі «перадазіроўку псіхатропнымі рэчывамі».
«З'явіліся падставы меркаваць, што 18-гадовы фігурант меў намер схіліць непаўнагадовую да ўжывання псіхатропнага рэчыва. Гэтым ён разлічваў выклікаць нарказалежнасць, каб юная сяброўка стала спажыўцом і, адпаведна, кліентам для далейшага збыту», — распавялі ў міліцыі.
Асобу маладога чалавека ўдалося выявіць. У дачыненні да яго распачата крымінальная справа па ч. 2 арт. 331 КК Беларусі (скхіленне да ўжывання наркатычных рэчываў, псіхатропных рэчываў або іх аналагаў). Санкцыя артыкула прадугледжвае пакаранне ў выглядзе пазбаўлення волі тэрмінам ад 3 да 10 гадоў.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве31
Каментары