Жоўтыя вазы на праспекце пакуль што перафарбоўваць не будуць, бо на гэта няма грошай
Жоўтыя вазы на гістарычнай балюстрадзе на праспекце Незалежнасці сёлета перафарбоўваць не будуць. Гэта зробяць на 1 мая 2019 года, паведамілі Tut.by ў «Гаррэмаўтадары».
У маі гэтага года вазы на гістарычнай балюстрадзе ў раёне цырка пафарбавалі ў неўласцівы ім жоўты колер. Адным мінчукам такое рашэнне спадабалася, а іншыя склалі петыцыю супраць. Справа ў тым, што перафарбоўка ваз ў жоўты колер парушыла кампазіцыю праспекта і першапачатковую архітэктурную ідэю.
Таму яшчэ ў маі камітэт архітэктуры Мінгарвыканкама выслаў у «Гаррамаўтадар», на балансе якога знаходзіцца балюстрада, загад на ліквідацыю парушэнняў. «Гаррамаўтадар», у сваю чаргу, звярнуўся па рэкамендацыі ў Міністэрства культуры.
Мінкульт прапанаваў дарагое рашэнне па аднаўленні фарбавальнага слоя, на які ўжо патрацілі бюджэтныя грошы ў гэтым годзе. У тым ліку таму кіраўніцтва горада вырашыла, што да наступнага года вазы чапаць не будуць.
Каментары