Уласнік рэстарана ў Курапатах упершыню выказаўся. І адразу загаварыў пра тое, што нехта фінансуе пратэсты

З пачатку чэрвеня побач з урочышчам Курапаты, дзе пахаваны ахвяры сталінскіх рэпрэсій 1937-1940 гадоў, адкрыўся рэстаранны комплекс «Паедзем, паядзім». Абаронцы Курапатаў увесь гэты час не прапускаюць наведвальнікаў у рэстаран і праводзяць акцыі пратэсту. Tut.by пагутарыў з саўладальнікам рэстарана Леанідам Зайдэсам і даведаўся, як аб'ект стаў праблемным.

Павялічыць

Бізнэсмен тлумачыць, што сітуацыю па рэстаране ніхто не каментаваў увесь гэты час, таму што ўладальнікі не знаходзяцца ў Беларусі. Зайдэс быў у камандзіроўцы ў Ізраілі. Калі вярнуўся — прыйшоў з намі на сустрэчу. Да прэтэнзіяў таксама трэба было падрыхтавацца і з юрыдычнага боку — сабраць неабходныя дакументы.

Зайдэс кажа, што пра мараль можна казаць доўга. Ён згадвае мемарыял «Яма», вяселлі ў кафэ «Цытадэль» у Брэсцкай крэпасці, кафэ каля Асвенціма, рэстараны ля Сцяны Плачу.

— Я магу зразумець іх фінансаванне, — кажа ўладальнік рэстарана пра актывістаў, — Ім нельга прайграць Курапаты. Калісьці, напрыклад, яны счапіліся за назву. Сумесна з брэндам «Бульбаш» мы хацелі назваць рэстаран «Бульбаш-Хол». Зыходзячы з грамадскай думкі, уладальнікі змянілі назву рэстарана, якая не спадабалася.

Павялічыць

У заключэнне Зайдэс кажа, што нават калі вярнуцца да зон аховы паводле схемы 2004 года, прызнаць іх законнымі, і ў межах, як лічыў Мінкульт, і знесці паўтары хаткі, рэстаран ўсё роўна застанецца законнай пабудовай.

— Ёсць шмат кафэ і рэстаранаў, дзе я быў, у тым ліку за мяжой, і з якіх бачныя мемарыялы, месцы пахаванняў і негатыўных эмоцый гэта ні ў каго не выклікае. У нас рэстаран не на тэрыторыі мемарыяла, не на могілках і не на пахаваннях, а знаходзіцца на дапушчальнай заканадаўствам адлегласці ад такіх месцаў. Крыжоў з боку ўстановы наогул раней не было відаць, іх усталявалі ў такім выглядзе пазней і працягваюць усталёўваць ўсё бліжэй.

Якое выйсце з сітуацыі, якая склалася

Леанід Зайдэс кажа, што пакуль ні ад аднаго чалавека ён не чуў канструктыўных прапаноў наконт таго, як вырашыць лёс рэстарана і знайсці кампраміс.

- У прыватнасці спадар Пракапеня зрабіў негатыўную заяву. Узнікае пытанне, можа, спадар Пракапеня гатовы выкупіць комплекс і распарадзіцца ім паводле ўласнага бачання сітуацыі? Іншыя канструктыўныя рэчы мы таксама гатовыя разглядаць. Мы гатовыя да дыялогу без абраз. Але «знесці», «забраць», «спаліць» — гэта пустыя размовы, — распавядае бізнесмен.

Паводле слоў Зайдэса, цяпер складваецца дыялог дырэктара рэстарана з партыяй БНФ. На тыдні саўладальнік рэстарана гатовы будзе зрабіць заяву аб планах на ўстанову.

Павялічыць

— Калі актывісты хочуць чагосьці, то няхай звяртаюцца ў пракуратуру, у суд, а яны ж займаюцца самаўпраўнасцю, не прапускаюць аўтамабілі, абражаюць персанал, наведвальнікаў, іх дзяцей. Тым больш, вось гэтыя абвінавачванні Севярынца пра тое, што хтосьці да кагосьці прыходзіў і нешта прапаноўваў — гэта поўнае трызненне. У нашай кампаніі ніхто такім не займаўся. І калі мы будзем удзельнічаць у інвестыцыях, то яны будуць цалкам празрыстыя і ў рамках заканадаўства — у дабрачыннасць або спонсарскую дапамогу на мемарыял ці нешта падобнае.

Адзначым, што афіцыйныя запыты ў дачыненні да сітуацыі з рэстаранам ля Курапат мы накіравалі ў Мінкульт, Мінаблвыканкам і Генпракуратуру.

• 0
• 0
• 0
• 0
• 0
• 0
• 0
• 0