Антыбіётык новага пакалення ствараюць з малака качканосаў, якое мае ўнікальныя ўласцівасці
Навукоўцы знайшлі новы і зусім нечаканы сродак ад бактэрый, якія ўстойлівыя нават да самых сучасных лекаў, піша eurekalert.org.
Амаль 70 гадоў антыбіётыкі былі практычна панацэяй чалавецтва: імі лячылі амаль усё. Але чым больш мы іх выкарыстоўвалі, тым больш устойлівымі станавіліся бактэрыі. Ужо існуюць «супербактэрыі», на якія не могуць паўздзейнічаць нават самыя сучасныя антыбыётыкі.
У 2010 годзе навукоўцы высветлілі, што ў малака качканосаў ёсць антыбактэрыяльныя ўласцівасці.
У адрозненне ад іншых сысуноў у качканосаў няма саскоў, малако нібы пот праступае на брушка качканоса, адкуль дзіцяняты яго і злізваюць. У выніку яны падвяргаюцца дадатковай небяспецы з боку вонкавага свету, і, магчыма, менавіта таму малако гэтых незвычайных жывёл валодае антыбактэрыяльнымі ўласцівасцямі.
Аўстралійскія навукоўцы вырашылі высвятліць, які механізм уплывае на такую дзіўную асаблівасць, і выявілі незвычайны і цалкам унікальны бялок, які змяшчаецца ў гэтым малацэ. Менавіта гэты бялок і забівае большасць з вядомых хваробатворных бактэрый.
Даследчыкі мяркуюць, што ўнікальная структура дапамагае бялку спраўляцца з супербактэрыямі, і цяпер маюць намер вырабіць на яго аснове антыбіётык новага пакалення.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта14
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары