Міжнародная група навукоўцаў прадставіла вынікі сваіх двухгадовых даследаванняў, мэтай якіх з'яўлялася стварэнне прэпарата, здольнага пры штомесячных ін'екцыях у арганізм хворага на ВІЧ замяніць яму штодзённы прыём таблетак, якія зараз з'яўляюцца адзіным спосабам падтрымкі жыцця ВІЧ-інфікцыянаваных.
Атрыманы раствор для ін'екцый ўключае ў сябе прэпараты кабатэгравір і рылпівірын. Па выніках клінічных даследаванняў, у 87% з 309 пацыентаў з дыягнаставаным ВІЧ з дапамогай штомесячных ін'екцый ўдалося дасягнуць невызначаемага ўзроўню віруснай нагрузкі (менш за 50 копій віруса на мілілітр крыві). Іншымі словамі, у навукоўцаў атрымалася пазбавіць людзей ад неабходнасці штодня прымаць таблеткі, пры гэтым знізіўшы рызыку перадачы віруса іншым людзям, а таксама імавернасць таго, што ў віруса выпрацуецца ўстойлівасць да прэпаратаў. Вынікі даследаванняў можна прачытаць у часопісе The Lancet.
У групы паддоследных, якія прымалі традыцыйныя таблеткі, невызначаемага ўзроўню віруса атрымалася дасягнуць толькі ў 84% пацыентаў. Поспех клінічных выпрабаванняў, напэўна, узрадуе людзей, якія вымушаныя змагацца з вірусам імунадэфіцыту чалавека, бо адмова ад штодзённага прыёму таблетак значна палегчыць іх жыццё.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы68
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары