Прэзідэнт ЗША Дональд Трамп абвясціў, што Злучаныя Штаты выходзяць з Парыжскага пагаднення аб клімаце, заключаным у 2015 годзе. У ходзе сваёй перадвыбарнай кампаніі ў мінулым годзе Трамп паабяцаў выбаршчыкам прыняць гэтае рашэнне.
Пры гэтым Трамп заявіў, што Вашынгтон пачне новыя перамовы аб заключэнні пагаднення па клімаце на ўмовах, больш справядлівых і выгадных для Злучаных Штатаў.
Трамп заявіў, што Амерыка зможа дамагчыся лепшых умоў, і гэта дапаможа амерыканскай прамысловасці.
«Гэта пагадненне - не столькі пра клімат, колькі пра тое, што іншыя краіны атрымліваюць перавагу за кошт Злучаных Штатаў», - заявіў Дональд Трамп, падкрэсліўшы, што Парыжскае пагадненне накладвае на ЗША «драконаўскія абавязацельствы».
Прэзідэнт прывёў у якасці прыкладу Кітай і Індыю, якія, паводле яго слоў, змогуць пашыраць сваю вугальную прамысловасць, у той час як ЗША будуць павінны яе скарачаць.
Выкананне абавязацельстваў у адпаведнасці з Парыжскім пагадненнем, заявіў Дональд Трамп, каштавала б ЗША да 2025 года 2,7 млн працоўных месцаў.
Дональд Трамп абрынуўся з крытыкай на Зялёны кліматычны фонд ААН (GCF), створаны для аказання дапамогі краінам, якія развіваюцца, у змякчэнні наступстваў змены клімату і адаптацыі да іх.
Па словах Трампа, гэты фонд будзе каштаваць Злучаных Штатаў мільярды долараў звыш той дапамогі бедным краінам, якую ЗША ўжо аказваюць.
***
Парыжскае пагадненне прадугледжвае абавязацельствы скараціць выкіды вуглякіслага газу ў атмасферу. Дакумент таксама прадугледжвае выдзяленне да 2020 года краінам, якія развіваюцца, 100 мільярдаў даляраў на рашэнне праблем экалогіі.
Пагадненне па барацьбе са зменамі клімату было падпісана прадстаўнікамі больш за 170 краін, у тым ліку ЗША, Кітаем і Расіяй.
У траўні, напярэдадні саміту «Вялікай сямёркі», генеральны сакратар ААН Антоніу Гутэрыш заклікаў Дональда Трампа не выходзіць з Парыжскага пагаднення па клімаце.
Па словах Гутэрыша, падтрымка Злучаных Штатаў, найбуйнейшай эканомікі ў свеце, жыццёва неабходная для рэалізацыі Парыжскага пагаднення.
Лідары Еўрасаюза і Кітай вырашылі выпусціць сумесную заяву, бо, на іх думку, сёння гэта важна як ніколі.
-
Як выратавалі другога лётчыка амерыканскага знішчальніка F-15 з глыбіні Ірана? Сталі вядомы дэталі аперацыі
-
«Адкрыйце гэты чортавы праліў, шалёныя вырадкі!» Трамп анансаваў пекла ў Іране ўжо ў гэты аўторак
-
Іран заяўляе, што некалькі амерыканскіх самалётаў былі знішчаны падчас місіі па выратаванні пілота
Цяпер чытаюць
Дзмітрый Семчанка: Я прыйшоў у пул Лукашэнкі біцца з Расіяй25
Каментары