Мінчукам, якія жывуць на плошчы Перамогі, забаранілі ўключаць святло ў кватэрах на час святочнага канцэрта
У сацыяльных сетках з'явілася фота аб'явы за подпісам адміністрацыі Партызанскага раёна Мінска, у якім ад жыхароў сталіцы патрабуюць выключыць святло падчас рэпетыцыі і святочнага канцэрту 9 траўня.
«На плошчы Перамогі запланаваны святочны канцэрт з удзелам найвышэйшых службовых асоб Рэспублікі Беларусі, — адзначаецца ў аб'яве. — З мэтай паказу тэматычнага 3D-шоу на фасадах будынкаў вам неабходна адключыць святло ў кватэрах і шчыльна зашторыць вокны, якія выходзяць на манумент, на час правядзення рэпетыцыі і канцэрта: 7 траўня з 22 да 23 гадзін, 8 і 9 траўня з 21.30 да 23 гадзін».
Што будзе з тымі, хто ўсё ж запаліць святло — не ўдакладняецца.
9 траўня мінчукоў чакаюць і іншыя абмежаванні. Сёння забаронена паркоўка па праспектах Машэрава, Незалежнасці і Пераможцаў, а таксама вуліцах паблізу плошчы Перамогі. Ад раніцы быў зачынены першы вестыбюль ст. м «Плошча Перамогі», бо а 12-й да манумента Перамогі ўскладаў кветкі Аляксандр Лукашэнка.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца2
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары