У міністэрстве сельскай гаспадаркі і харчавання Беларусі разлічваюць, што рашэнне пра перанос візіту інспектараў Рассельгаснагляду ў краіну будзе перагледжана.
«Спадзяёмся, што гэтае рашэнне будзе перагледжана», — заявіў Інтэрфаксу начальнік галоўнага ўпраўлення знешнеэканамічнай дзейнасці Мінсельгасхарча Аляксей Багданаў.
Ён падкрэсліў, што Беларусь гатовая на практыцы прадэманстраваць усё, што абмяркоўвалася бакамі падчас відэаканферэнцыі 7 лютага і настроена на далейшую працу з Рассельгаснаглядам.
«Наша запрашэнне застаецца ў сіле. Мы гатовыя да канструктыўнай працы», — заўважыў суразмоўца.
Ён дадаў, што занепакоенасць адносна нейкіх правакацый у выпадку візіту прадстаўнікоў Рассельгаснагляду ў краіну залішняя. «Беларусь — прававая, еўрапейская, цывілізаваная дзяржава, у якой бяспечна знаходзіцца любому чалавеку, у тым ліку прадстаўнікам Рассельгаснагляду», — заўважыў ён.
Рассельгаснагляд адклаў візіт сваіх супрацоўнікаў у Беларусь, асцерагаючыся «правакацый»
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне62
Каментары