Сем месяцаў таму «Лестэр» стварыў ці не галоўную футбольную сенсацыю 2016 года: стаў чэмпіёнам Англіі па футболе.
Але сёлета каманда змагаецца за выжыванне. Перад матчам клуб ішоў толькі на 16-м месцы з 13 баламі ў 14 матчах. Гэта ўсяго на адзін бал вышэй за зону вылету.
«Манчэстэр Сіці» займае 4-ы радок з 30 баламі, чатыры пункты саступаючы лідарам: «Арсеналу» і «Чэлсі».
Аднак сёння «Лестэр», які зашчадзіў сілы ў мінулым матчы Лігі чэмпіёнаў, выйграў у клуба Пепа Гвардыёлы з лікам 4:2.
Прычым клуб вёў у ліку 4:0 да 80-й хвіліны (хет-трык на рахунку Джэймі Вардзі). «Сіці» здолелі забіць два мячы пры канцы гульні.
13 снежня «Лестэр» гуляе ў гасцях з «Борнмутам».
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве19
Каментары