У актавую залу каледжа Ціхвіна ў Ленінградскай вобласці Расіі падчас ўсеагульнага збору студэнтаў уварваліся тэрарысты з аўтаматамі і шахідкі, абматаныя выбухоўкай. Навучэнцы да апошняга не ведалі, што ўсё, што адбываецца — гэта ўсяго толькі вучэнні па бяспецы, арганізаваныя мясцовым патрыятычным клубам.
У суполцы Укантакце, прысвечанай навінам горада Ціхвін Ленінградскай вобласці, пракацілася хваля абурэння. Падставай паслужыў пост пра вучэнні ў мясцовым медыцынскім каледжы.
«Студэнтаў сабралі ў актавай зале, пасля чаго туды ўварваліся людзі ў масках і з зброяй. Сярод іх была жанчына, апранутая як шахідка і абматаная выбухоўкай. Праз некаторы час яна сказала, што адлік пайшоў, і пачала маліцца. Было зроблена некалькі стрэлаў у паветра, людзі былі ў шоку. Хтосьці істэрыў, кагосьці ставілі тварам да сцяны, тэлефанаваць не давалі. Калі адна са студэнтак адмовілася аддаць тэлефон, другому студэнту прыставілі дула да скроні і сказалі, што застрэляць, калі яна не спыніць», — піша абураная жыхарка.
Паведамленне праілюстравана двума фотаздымкамі. На адным з іх мужчына са зброяй ідзе паміж шэрагаў са студэнтамі, на другім — жанчына ў чорным з муляжом выбухоўкі на поясе.
Пры гэтым, па словах аўтара паведамлення, дырэктар медкаледжа не прысутнічаў на гэтым мерапрыемстве разам са сваімі студэнтамі і калектывам. Супрацоўнікі адукацыйнай установы спачатку не падазравалі, што гэта ўсяго толькі вучэнні.
Па словах крыніцы ў адміністрацыі горада, 3 снежня ў Ціхвінскім медыцынскім каледжы па распараджэнні Камітэта па моладзевай палітыцы Ленінградскай вобласці сапраўды былі праведзены мерапрыемствы па бяспецы жыццядзейнасці. Грамадская арганізацыя «Цэнтр ваенна-патрыятычнага выхавання «Патрыёт» правяла заняткі з удзелам сваіх супрацоўнікаў, перапранутых у тэрарыстаў. Студэнтам каледжа наглядна паказалі, як могуць выглядаць тэрарысты, іх зброя і дзеянні, а таксама распавялі, як паводзіць сябе ў падобных сітуацыях, каб пазбегнуць ахвяр.
Цяпер чытаюць
Былыя жонка і дзяўчына Пратасевіча аб’ядналіся і прыйшлі да яго новай нявесты, каб адпомсціць. І пагражаюць судом20
Каментары