Золатавалютныя рэзервы Кітая працягваюць падзенне, экспарт у верасні ўпаў на 10%
Кітаю не ўдаецца пераламіць негатыўныя тэндэнцыі ў эканоміцы. У верасні падзенне экспарту склала 10% проці паказчыкаў верасня 2015 года, паведамляе Ройтэрз. Гэта нашмат горш, чым прагназавалася. Горшым за прагноз стала і падзенне імпарту, што паказвае, што і кітайскі ўнутраны рынак не кампенсуе падзенне попыту на кітайскія тавары ў свеце.
Працягваецца і падзенне золатавалютных запасаў Кітая. З рэкордных 3993 млрд у сярэдзіне 2014 года яны ўпалі да 3166 млрд на пачатак кастрычніка. Пры гэтым тэмп падзення таксама перавышае прагнозны.
Тым не менш, велізарныя рэзервы дазваляюць кіраўніцтву Кітая рэалізоўваюць маштабную праграму падтрымкі эканомікі. У краіне працягваецца будаўнічы бум. Магчыма, Кітаю ўдасца стабілізаваць эканоміку пры змяншэнні тэмпаў росту.
Каментары