У Карпатах у ноч на суботу, 24 верасня, адбыўся землятрус, падземныя штуршкі адчулі жыхары Румыніі, Малдовы і Украіны. Штуршкі адчувалі ў Гомелі.
Па дадзеных Геалагічнай службы ЗША, магнітуда землятрусу склала 5,6. Яго эпіцэнтр размяшчаўся за 6 км на захад ад румынскага горада Нерэжу, ачаг залягаў на глыбіні 88 кіламетраў.
У Кішынёве адчуваліся штуршкі сілай у пяць балаў. Моцныя падземныя штуршкі адчулі жыхары некалькіх рэгіёнаў Украіны - Кіеўскай, Адэскай, Вінніцкай, Чарнавіцкай абласцей.
Ноччу і раніцай некалькі штуршкоў адчулі і жыхары Гомеля.
«Трэсла гадзіны ў 2 [ночы 24 верасня] моцна, думалі ўсё, дом цяпер абрынецца. На 8 паверсе было страшна», — напісаў на гарачую лінію TUT.BY Мацвей.
Прыкметных пашкоджанняў у горадзе няма, паведамляе карэспандэнт TUT.BY па Гомельскай вобласці.
Арыштаваны 75‑гадовы Зміцер Санько — ветэран-выдавец3
Каментары