Прэзідэнт Узбекістана Іслам Карымаў памёр, гаворыцца ў заяве ўрада і парламента краіны. Яго пахаваюць у Самаркандзе 3 верасня.
Карымаў знаходзіўся ў шпіталі з мінулага тыдня, але афіцыйная інфармацыя пра яго стан паступала скупа і з вялікай затрымкай.
Толькі раніцай у пятніцу кабінет міністраў краіны заявіў, што кіраўнік дзяржавы знаходзіцца ў крытычным стане.
Неўзабаве з неафіцыйных крыніц пачалі паступаць паведамленні пра смерць 78-гадовага прэзідэнта. Агенцтву Рэйтэр пра гэта паведамілі тры неназваныя дыпламатычныя крыніцы.
Пазней, і яшчэ да афіцыйнага абвяшчэння аб смерці узбекскага лідара, прэм'ер-міністр Турцыі Біналі Йылдырым публічна выступіў са спачуваннямі.
Таксама ў пятніцу стала вядома пра закрыццё аэрапорта роднага горада прэзідэнта — Самарканда, што было ўспрынята як частка падрыхтовак да цырымоніі пахавання.
Іслам Карымаў узначаліў Узбекістан ў 1989 годзе, заняўшы пасаду першага сакратара ЦК кампартыі тады савецкай рэспублікі. Прэзідэнтам ён быў абраны 24 сакавіка 1990 года на сесіі Вярхоўнага Савета Узбекскай ССР.
У канцы 1991 года, неўзабаве пасля абвяшчэння незалежнасці Узбекістана, Карымаў атрымаў перамогу на ўсенародных выбарах і з тых часоў нязменна знаходзіўся на пасадзе прэзідэнта, падаўжаючы свае паўнамоцтвы шляхам рэферэндумаў аб змяненні канстытуцыі і выбараў, якія большасць назіральнікаў разглядалі як недэмакратычныя.
Карымаў абвяргаў абвінавачванні ў аўтарытарызме, сцвярджаючы, што дэмакратыя ў розных краінах свету прымае розныя формы і ўзбекская дэмакратыя не абавязаная адпавядаць заходнім стандартам.
-
«Спыніць сітуацыю, калі людзі знаходзяцца на ўтрыманні дзяржавы ад самага прыезду». Ірландыя прапануе ўкраінцам «шчодрыя» выплаты за вяртанне дадому
-
Праз канфлікт з Папам Рымскім Трамп пачаў страчваць падтрымку выбаршчыкаў. У Вашынгтоне загаварылі пра прымірэнне
-
У Томску знеслі помнік рэпрэсаваным: сярод іх былі дэпартаваныя з Беларусі палякі, а таксама беларусы, якіх прымушалі змяняць нацыянальнасць
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было57
Каментары