Кіеўская гарадская дзяржаўная адміністрацыя (КГГА) ўвяла ва ўкраінскай сталіцы маскавы рэжым для прадухілення распаўсюджвання грыпу і ВРВІ. Пра гэта заявіў дарадца кіеўскага гарадскога галовы Міхаіл Радуцкі на прэс-канферэнцыі ў чацвер, 21 студзеня.
«Што тычыцца дадатковых мер, якія ўвёў горад Кіеў, каб паменшыць распаўсюд і захворванне сярод дарослага насельніцтва, гэта ўвядзенне дадатковых санітарных абмежаванняў у месцах вялікай колькасці дарослага насельніцтва. Уведзены маскавы рэжым у крамах для работнікаў, у месцах правядзення масавых мерапрыемстваў, на рынках, у рэстаранах, кавярнях, ва ўсіх месцах грамадскага харчавання», — сказаў Радуцкі.
Ён таксама паведаміў, што маскавы рэжым уведзены для работнікаў метро і грамадскага транспарту, у кампаніі «Кіеўпастранс».
Пры гэтым кіраўнікі прадпрыемстваў і арганізацый будуць несці адказнасць за захаванне графіка замены масак.
«Кожны пласт маскі гарантуе гадзіну абароны. На сённяшні дзень у асноўным выкарыстоўваюцца чатырохслаёвыя маскі», — сказаў ён.
Таксама Радуцкі паведаміў, што вымушаныя канікулы ў школах Кіева падоўжаныя да 27 студзеня.
«Забарона вучобы ў школах працягнутая, алімпіяды, якія планаваліся сярод школьнікаў на гэтую суботу і нядзелю, перанесеныя на іншы тэрмін», — адзначыў чыноўнік.
Паводле інфармацыі начальніка дэпартамента аховы здароўя КГГА Таццяны Дончанка, па стане на 20 студзеня ў бальніцы Кіева за суткі паступіла 98 хворых на ВРВІ і грып. Усяго ў цяперашні час стацыянарнае лячэнне ў клініках Кіева праходзяць 485 пацыентаў з ВРВІ, з іх 178 з дыягназам «грып».
Дончанка падкрэсліла, што Кіеў быў гатовы да сезоннага росту захворвання і забяспечыў наяўнасць прэпаратаў загадзя.
Міністэрства аховы здароўя Украіны пацвердзіла гібель 51 ўкраінца ад грыпу. Смяротныя выпадкі, па словах лекараў, звязаныя з познім зваротам да медыкаў.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары