Французскія і бельгійскія спецслужбы ведалі пра экстрэмісцкую дзейнасць асоб, затрыманых у якасці падазраваных у здзяйсненні тэрактаў у Парыжы 13 лістапада.
Аднак спецслужбы не зрабілі ніякіх захадаў для таго, каб нейтралізаваць патэнцыйна небяспечных баевікоў, піша The Guardian.
«Чым больш адкрываецца інфармацыі аб тэрактах у Парыжы 13 лістапада, тым больш яўным становіцца, што і французскія, і бельгійскія спецслужбы ведалі аб экстрэмісцкай дзейнасці затрыманых па падазрэнні ў датычнасці да здзяйснення тэрактаў», — адзначае выданне.
Так, у сілавікоў Бельгіі і Францыі былі дасье на затрыманых, у якіх яны былі пазначаныя як радыкалы. Прынамсі, пяцёра з затрыманых ваявалі ў Сірыі, а затым спакойна вярнуліся ў свае дамы ў Францыі ці Бельгіі.
«Мы ведаем, што большасць гэтых людзей вярнуліся з Сірыі, і ніхто не спыніў іх», — цытуе The Guardian Наталі Жулле, члена камітэта замежных спраў і абароны французскага Сената.
У Бельгіі ўжо створаная парламенцкая камісія па наглядзе за дзейнасцю разведвальных службаў краіны і распачатае расследаванне аб службовай халатнасці супрацоўнікаў спецслужбаў напярэдадні атакі.
Выданне таксама піша пра тое, што французская паліцыя вяла дасье на аднаго з нападнікаў на «Стад дэ Франс», Амара Ісмаіла Мастэфа, з 2010-га года.
Вядома, што Мастэф адправіўся ў Сірыю ў 2013 годзе і вярнуўся ў Францыю вясной 2014 года.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары