Сямейны адпачынак мільярдэра: Элан Маск прайшоўся па самалёце ў небе
Геній, мільярдэр, плэйбой, філантроп… Вар’ят? Не.
Элан Маск прагуляўся па крыле самалёта проста ў небе, чым пахваліўся ў сваім інстаграме.
З Маскам у небе была і яго жонка, актрыса Талула Райлі — яна ў інстаграме выклала відэа свайго пахода-палёта. З імі ў небе быў брат Элана, Кімбал Маск, таксама лётала іх сястра, Тоска Маск. Здымкі адпачынку сямейнай пары з зямлі рабіла і матуля Элана, Мая Маск.
А як вы ладзіце сямейны адпачынак?
Такая забава як паходы па крыле самалёта ў небе пачалася як небяспечны трук у 1920-х, адзначае Mashable, затым стала звычайнай практыкай падчас дазапраўкі ў паветры, цяпер з’яўляецца даволі бяспечнай забавай. У Брытаніі шпацыр па крыле ў палёце будзе каштаваць каля 620 даляраў, заўважае Business Insider.
***
Элан Маск займае сотае месца ў спісе мільярдэраў Forbes з 13,2 млрд далараў у кішэні. Вядомы як стваральнік плацёжнай сістэмы PayPal (прадаў яе ў 2002-м), аўтамабільнай кампаніі Tesla (выпускае электрамабілі класу люкс, будзе выпускаць і «машыны для ўсіх») і прыватнай касмічнай кампаніі SpaceX (яе ракеты і караблі ўжо дастаўляюць грузы на МКС, а могуць і паляцець на Месяц). У Крэмніевай даліне паводзіць сябе як бяздомны.
Кімбал Маск — вынаходнік і венчурны інвестар, валодае сеткай кавярняў The Kitchen Cafe і дабрачыннай арганізацыяй The Kitchen Community. Тоска Маск — прадзюсар і рэжысёр, вядомая па рабоце над вэб-серыялам «Tiki Bar». Мая Маск — фотамадэль (ужо 50 год як), дыетолаг, настаўніца ў мадэльнай школе. Талула Райлі — актрыса, з’яўлялася ў эпізодах «Доктара Хто» і «Пачатку».
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца99
Каментары