Вынікі начнога блэкаўта: у Мінску былі абясточаныя 138 дамоў, збойна працавалі тэлефонныя сеткі
Як, паведамлялася, сур'ёзная аварыя адбылася мінулай ноччу на падстанцыі «Зялёны Луг» у Мінску.
Як паведамляе сайт Мінскага гарадскога ўпраўлення МНС, у 23.40 у выніку адключэння трансфарматара ўласных патрэб (ТУП) адбылося адключэнне асноўнага трансфарматара на падстанцыі «Зялёны Луг» па вуліцы Севастопальскай, 108. Гэта, у сваю чаргу, прывяло да адключэння спажыўцоў электразабеспячэння ў Савецкім і Першамайскім раёнах (142 трансфарматарныя падстанцыі, ад якіх засілкавана пяць цягавых падстанцый, і 138 жылых дамоў). У 0.35 цягавыя падстанцыі былі падлучаныя, спынення руху грамадскага транспарту не адбылося.
На раённай помпавай станцыі УП «Мінскводаканал» па вуліцы Карбышава, 9, адбылося падзенне ціску ў сістэме, але на водазабеспячэнне жылых дамоў халоднай вадой гэта не паўплывала.
Для аднаўлення электразабеспячэння і ліквідацыі наступстваў аварыі прыцягваліся чатыры аварыйныя брыгады. Электразабеспячэнне было адноўлена ў 6.00 9 жніўня. Час адключэння склаў 6 гадзін 20 хвілін, паведамляе ўпраўленне МНС.
Аварыя паўплывала на працу абсталявання сотавага аператара «МТС», абаненты якога ў Мінску і Мінскай вобласці адчуваюць цяжкасці з сувяззю. «Спецыялісты кампаніі аднавілі поўны доступ да галасавых і інтэрнэт-паслугаў у 04.00. На дадзены момант завяршаюцца работы па ліквідацыі праграмных збояў. Доступ да некаторых сэрвісаў будзе адноўлены ў бліжэйшы час. Прыносім свае прабачэнні і спадзяемся на ваша разуменне», - гаворыцца ў паведамленні на сайце «МТС».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары