Тэрмін устаноўкі плацежных тэрміналаў у гандлёвых аб'ектах Мінска і абласных гарадоў працягнуты для індывідуальных прадпрымальнікаў да 1 студзеня 2016 года. Аб гэтым паведамілі ў Міністэрстве гандлю.
«Саветам Міністраў падтрымана прапанова Міністэрства гандлю аб пераносе тэрмінаў устаноўкі індывідуальнымі прадпрымальнікамі плацежных тэрміналаў у гандлёвых аб'ектах, размешчаных у гарадах абласнога падпарадкавання ў Мінску, да 1 студзеня 2016 года», - праінфармавалі ў ведамстве.
«Што датычыцца юрыдычных асоб, то яны з 1 ліпеня ва ўстаноўленым парадку павінны набыць і ўстанавіць плацежныя тэрміналы», - адзначыла ў эфіры тэлеканала АНТ начальнік упраўлення арганізацыі гандлю і паслуг Міністэрства гандлю Віялета Бразоўская.
Яна таксама дадала: «З 1 студзеня 2016 года ўводзіцца абавязак мець плацежны тэрмінал пры гандлі ў інтэрнэт-магазіне. Гэта датычыцца і прадпрымальнікаў, і юрыдычных асоб».
Як паведамлялася, у сувязі з тым, што ўказам ад 30 сакавіка 2015 года №143 быў прадоўжаны да 1 студзеня 2016 года тэрмін рэалізацыі астаткаў тавараў, увезеных індывідуальнымі прадпрымальнікамі - плацельшчыкамі адзінага падатку да 1 ліпеня 2014 года на тэрыторыю Беларусі з тэрыторыі дзяржаў - членаў Мытнага саюза без суправаджальных дакументаў, Міністэрства гандлю ініцыіравала прадаўжэнне тэрміну абавязковай устаноўкі плацежных тэрміналаў для суб'ектаў малога бізнэсу.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну7
Каментары