Біл Гейтс падарыў незнаёмай дзяўчыне шлем бога Локі і плюшавы вірус поліяміеліту
Карыстальніца калектыўнага блогу Reddit пад нікнэймам calid7 атрымала незвычайныя падарункі ад «Сакрэтнага Санты». Яе Сантам стаў сам Біл Гейтс, распавядае яна.
Падарунак Біла Гейтса быў вельмі дарэчным. Жаданне, што запоўніла дзяўчына, было выкананае: яна атрымала такі шлем, што насіў Локі ў фільмах «Тор» і «Помснікі» па матывах коміксаў Marvel. Падчас дастаўкі ў шлема адкалоўся адзін рог, але яго можна парамантаваць.
Акрамя таго, падарунак утрымліваў плюшавую цацку ў выглядзе вірусу паліяміеліту з вочкамі, альбом са здымкамі Афрыкі і сертыфікат, які зацьверджвае, што ад імя дзяўчыны было зробленае на вакцыны ад поліяміеліту для дзяцей бедных краін.
Апошняе дзяўчына называе самым важным. «Я заўсёды ахвярую грошы на дабрачыннасць, але заўсёды няшмат, бо сама не маю многа, – піша яна. Ад гэтага я ззяю са шчасця!»
***
«Сакрэтны Санта» (таксама Паліяна альбо Крыс Крынгл) – калядная традыцыя ананімнага абмену падарункамі ў суполцы людзей. Кожны ўдзельнік атрымлівае выпадковае імя ці адрас, куды мусіць адаслаць падарунак, а затым сам атрымлівае падарунак ад іншага выпадкова абранага чалавека.
Славуты мільярдэр, бізнэсовец і праграміст Біл Гейтс – адзін з самых багатых людзей у свеце (самы багаты з 1996 па 2007 і ў 2009 ды 2013 гадах). Таксама вядомы тым, што ахвяруе на дабрачыннасць мільярды даляраў. Фонд Біла і Мелінды Гейтс – найвялікшы ў свеце дабрачынны фонд, які выдае грошы на лекаванне СНІД, сухотаў, малярыі і іншых хваробаў, імунетызацыю дзяцей Індыі і Афрыкі, удасканаленне адукацыі ў ЗША.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары