Украіна просіць Расію адгаварыць «Данецкую народную рэспубліку» і «Луганскую народную рэспубліку» ад правядзення выбараў. Пра гэта паведамляе агенцтва Reuters.
Кіраўнік Міністэрства замежных спраў Украіны Павел Клімкін расказаў пра гэта ў інтэрв'ю агенцтву.
«Расіі варта адгаварыць Данецк і Луганск ад правядзення гэтых выбараў і паспрабаваць павярнуць працэс на шлях стабілізацыі», — мяркуе ён.
Па словах Клімкіна, Кіеў гатовы прыняць факт дэцэнтралізацыі ўлады ў Данбасе і хоча наладзіць «ўсёабдымны палітычны працэс».
«Замарожаны канфлікт у Данецку і Луганску, калі казаць шчыра, не можа быць стабілізаваны так, як гэта было ў Прыднястроўі ці Абхазіі. Канфлікт прынясе нам нестабільнасць і распад сістэмы, нават не толькі ва Украіне, а ва ўсёй Еўропе», — падкрэсліў ён.
Выбары ў Данбасе пройдуць без мінімальнага парога яўкі. І ў «ДНР», і ў «ЛНР» выбары плануюць правесці 2 лістапада.Пазней было заяўлена пра магчымы перанос на 9 лістапада.
Каментары