З’явілася афіцыйная біяграфія начальніка ІАЦ Дзербіна: Служыў у МУС, СК, КДБ
Працяглы час пасля прызначэння Аляксея Дзербіна кіраўніком Інфармацыйна-аналітычнага цэнтра пры Адміністрацыі прэзідэнта дзяржаўныя СМІ не давалі біяграфію гэтага чалавека. Што зусім не дзіва, бо ў адкрытым доступе не было і біяграфіі яго папяэрэдніка Аляксандра Базанава.
У сярэдзіне мінулага тыдня БелТА такі змясціла кароткія звесткі аб жыцці Дзербіна:
«Дзербін Аляксей Паўлавіч нарадзіўся 23 чэрвеня 1975 у горадзе Мінску. У 1997 годзе скончыў юрыдычны факультэт БДУ. Кандыдат юрыдычных навук, дацэнт.
Працаваў у газеце «Беларуский рынок», ДУ «Міжбанкавая валютная біржа», ААТ «Белгазпрамбанк», БДУ, БДЭУ, Нацыянальным цэнтры заканадаўства і прававых даследаванняў Рэспублікі Беларусь, Адміністрацыі Прэзідэнта Рэспублікі Беларусь.
Праходзіў службу ў органах унутраных спраў, Следчым камітэце, Камітэце дзяржаўнай бяспекі.
Жанаты, выхоўвае дачку».
Цікава, што яшчэ напрыканцы 1990-х – пачатку 2000-ых Дзербін меў цесныя кантакты з многімі прадстаўнікамі незалежнага грамадства. У прыватнасці, ён сябраваў з мовазнаўцам Юрасём Бушляковым, сам размаўляў па-беларуску.
Мама Аляксея Галіна Дзербіна – навуковец, чалавек таксама блізкі да беларушчыны. Яна з’яўляецца членам камітэта Міжнароднай асацыяцыі беларусістаў. А яшчэ выдала ў Польшчы грунтоўнае беларускамоўнае выданне «Права і сям'я ў Беларусі эпохі Рэнесансу».
У функцыі Інфармацыйна-аналітычнага цэнтра ўваходзіць забеспячэнне Аляксандра Лукашэнкі і Адміністрацыі прэзідэнта сацыялагічнай інфармацыяй. На сайце напісана, што ІАЦ займаецца «фарміраваннем стратэгічных накірункаў дзяржаўнай палітыкі».
Ведамства ў розныя гады ўзначальвалі Ніна Шпак і Алег Праляскоўскі. Апошнім кіраўніком ІАЦ быў Аляксандр Базанаў, які прыйшоў туды з КДБ. Сёння стала вядома, што Базанаў стаў намеснікам гендырэктара «Белтэлекама».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары