Па Горлаўцы (Данецкая вобласць, Украіна) днём 27 ліпеня нанесены ракетна-мінамётны ўдар з ваколіц горада.
Пра гэта паведаміў карэспандэнт Украінскай праўды, які знаходзіцца на месцы падзей.
Агонь вёўся з ваколіц горада па цэнтры Горлаўкі. «Колькасць загінулых сярод мірнага насельніцтва — ад 20 да 30 чалавек», — адзначыў журналіст.
Таксама стала вядома, што адзін з снарадаў упаў непадалёк ад цэнтральнай радзільні і разарваўся.
«Людзі сядзяць па падвалах, хаваюцца», — адзначыў карэспандэнт.
Разам з тым, як паведамляе ў сацсетцы «Адзіны каардынацыйны цэнтр «Данбас», да сярэдзіны 27 ліпеня ў цэнтры Горлаўкі было чуваць 2 залпы з «Града», а таксама некалькі выбухаў.
Паводле мясцовых жыхароў агнявыя кропкі тэрарыстаў стаяць у раёне пр. Леніна, «але яны час ад часу змяняюць сваё месцазнаходжанне. Выбіраюць месцы па даўно вядомым метадзе: дзе больш людзей, там і будзем стаяць».
Мясцовыя СМІ паведамляюць аб тым, што асноўныя сілы так званага «апалчэння» перамясціліся да Бесарабкі, «адтуль чакаецца ўдар сіл АТА».
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну12
Каментары