Валянцін Гафт: З нецэнзурнай лексікай трэба змагацца ў жыцці, а не ў мастацтве
Закон аб забароне нецэнзурнай лексікі ў кіно, літаратуры і на тэатральных падмостках ўступіў у сілу ў Расіі з 1 ліпеня.
Нецэнзурная лексіка не павiнна гучаць на вуліцы, а ў сапраўдных творах мастацтва яна можа быць дарэчнай.
Такое меркаванне выказаў у пятніцу народны артыст РСФСР Валянцін Гафт падчас свайго майстар-класа для слухачоў Летняй кінаакадэміі Мікіты Міхалкова.
Закон аб забароне нецэнзурнай лексікі ў кіно, літаратуры і на тэатральных падмостках ўступіў у сілу з 1 ліпеня. «Забараняць мацюкальныя словы — гэта лухта, — перакананы акцёр. — Вось калі ідзе дзяўчынка па вуліцы і лаецца матам, калі з экранаў ліецца мат — гэта трэба забараніць. Але калі Леў Мікалаевіч (Талстой) выкарыстоўвае падобныя словы, гэта зусім іншая справа, гэта можна лічыць даследаваннем рускай мовы».
Гафт дадаў, што многія знакамітыя пісьменнікі і паэты выкарыстоўвалі ў сваіх творах нецэнзурную лексіку, і гэта не выглядала пошла або груба. А прыняцце падобных законаў, на яго думку, можа прывесці да таго, што пад забарону трапяць творы мастацтва, якія наўрад ці нанясуць шкоду людзям. «Так можна выкінуць дзіця разам з вядром вады», — заўважыў артыст.
Валянцін Гафт вядомы не толькі як акцёр тэатра і кіно, але і як паэт, стваральнік лірычных, пранікнёных вершаў, а таксама вельмі дасціпных і з'едлівых эпіграмаў. Акцёр нярэдка ўжывае ў сваіх жартоўных радках ненарматыўную лексіку.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары