Міністр спорту Аляксандр Шамко раскрытыкаваў спартоўцаў, якія наракаюць на заробкі.
«На заробак спартоўцы скардзіліся — адрэагавалі: сёння ў нас з мільёна дзвесце, што былі год таму, атлеты ў базавым узроўні падняліся да чатырох мільёнаў рублёў штомесяц. Плюс у залежнасці ад вынікаў надбаўкі, каэфіцыенты, разрады і гэтак далей. У цэлым гэта пэўны крок», — перадае сайт tribuna.com словы міністра.
Разам з тым, заявіў Шамко, існавала сістэма ўтрыманства, прыстасаванства, якая служыла дэматыватарам дасягнення спартыўных мэтаў. Ён прыгадаў так званыя бунты хакеістаў салігорскага «Шахцёра». Спартоўцы пагражалі не выйсці на лёд, пакуль ім не заплацяць заробак за папярэдні месяц. «А нічога, што вам за гэты месяц налічылі сярэднегадавы заробак па краіне? За што? За пустыя крэслы на трыбунах? Аклад дырэктара клуба пад восем тысячаў даляраў на поўнай дзяржпадтрымцы», — абурыўся міністр.
Цяпер чытаюць
«Казаў, што знішчыць мяне, бо ў яго сувязі і пагоны». Былая жонка ваюе з падпалкоўнікам. Таго панізілі да ўчастковага15
Каментары