Парламент Літвы абвясціў 2014-ы год Годам Аршанскай бітвы ў гонар перамогі ў бітве XVI ст. над Маскоўскім княствам, паведамляе Delfi.lt
Законапраект, ініцыяваны групай парламентарыяў, якія належаць да розных фракцый, у панядзелак быў прыняты 76 галасамі за.
У пастанове сцвярджаецца, што рашэнне прынята з улікам таго, што ў наступным годзе ў верасні споўніцца 500 гадоў з моманту «гістарычнай перамогі Вялікага Княства Літоўскага» ў бітве пад Оршай і абароны тэрытарыяльнай цэласнасці літоўскіх земляў».
Па словах ініцыятара праектаў, Бітва пры Оршай з'яўляецца адной з вялікіх перамог Літоўскай арміі пасля Грунвальдскай бітвы і надзвычай важнай датай для літоўскай гісторыі.
«Перамога ў бітве пад Оршай, здабытая ў абароне тэрытарыяльнай цэласнасці Літвы супраць значнай большай арміі (амаль у тры разы) дазволіла Літве заключыць перамір'е, якое амаль на 40 гадоў забяспечыла мір у дзяржаве», — гаворыцца ў тлумачальным лісце.
Пастановай сейма ўрад абавязалі падрыхтаваць праграму урачыстасцяў, звязаных з гадавінай бітвы.
Нагадаем, што 2013-ы у Літве быў названы Годам Паўстання 1863 года.
У Беларусі на афіцыйным узроўні такія святы ігнаруюцца.
Цяпер чытаюць
Расійскія і лукашэнкаўскія спецслужбы на фоне залёту дронаў у Польшчу правялі інфаатаку. Яе зладжанасць дае падставы думаць, што залёт быў спланаваны1616
Каментары