Жыхары Беларусі па-ранейшаму аддаюць перавагу захаванню грошай у замежнай валюце, адзначыла старшыня праўлення Нацыянальнага банка Надзея Ермакова падчас анлайн-канферэнцыі на сайце БелТА 18 верасня.
«Сапраўды, аналіз структуры прыцягнутых сродкаў сведчыць аб тым, што насельніцтва аддае перавагу насельніцтва рабіць банкаўскія зберажэнні ў замежных валютах. Удзельная вага такіх зберажэнняў у агульным аб’ёме прыцягнутых сродкаў грамадзян на 1 верасня 2013 склала 65,7% супраць 66,2% на 1 жніўня 2013 года» , — паведаміла Ермакова.
Паводле яе слоў, перакос на карысць валютных дэпазітаў і павышаны попыт на валюту сярод насельніцтва, які назіраўся ў чэрвені — ліпені гэтага года, былі звязаны з дэвальвацыйнымі чаканнямі насельніцтва. Яны, у сваю чаргу, былі выкліканыя пагаршэннем сітуацыі ў знешнім гандлі і намінальным зніжэннем ставак на дэпазітным рынку. «Акрамя таго, зрабіла ўнёсак і сезоннасць, звязаная з перыядам адпачынкаў», — заўважыла Ермакова.
Павышэнне попыту на валюту з боку насельніцтва аказала не толькі дадатковы ціск на абменны курс, але і адбілася на стане рублёвай ліквіднасці банкаў, падкрэсліла кіраўнік Нацбанка.
Па словах Надзеі Ермаковай, «прынятыя Нацыянальным банкам аператыўныя захады па павышэнні ставак на грашовым рынку далі станоўчы вынік, аднак назіранае ў жніўні паляпшэнне сітуацыі было недастаткова устойлівым, і ўжо ў пачатку верасня ператок рублёвых укладаў у валютныя дэпазіты аднавіўся».
«Гэта запатрабавала дадатковых мер з боку Нацыянальнага банка, у тым ліку па далейшым павышэнні даходнасці рублёвых дэпазітаў», — канстатавала кіраўнік Нацбанка.
«У мэтах стварэння ўмоў для падтрымання прыцягальнасці захоўвання насельніцтвам зберажэнняў у нацыянальнай валюце банкі краіны прапануюць досыць шырокі спектр такіх укладаў з рознымі тэрмінамі і ўмовамі захоўвання, даюць зніжкі і бонусы па банкаўскіх прадуктах з працяглымі тэрмінамі размяшчэння, праводзяць розныя акцыі і розыгрышы прызоў па іх ды інш.», — адзначыла Надзея Ермакова.
Каментары