Забыліся на музычны знак бемоль: без яго гімн гучыць у іншай танальнасці.
Новую плошчу Дзяржаўнага сцяга ўрачыста адкрылі 2 ліпеня.На цырымонію падняцця сцяга сагналі некалькі тысячаў студэнтаў, а разам з Лукашэнкам прысутнічаў і прэзідэнт Лаоса Цюмалі Сайнясон.
І ўжо падчас адкрыцця ў аздабленні плошчы каля будучай рэзідэнцыі Лукашэнкі знайшлі недакладнасць. Карыстальнік аднаго з беларускіх форумаў апісаў сітуацыю: «Толькі што прыйшоў з плошчы сцяга, які шчасліва паднялі.
Бачу, што музыкі, якія прысутнічалі на мерапрыемстве, неяк загадкава рагочаць. Спытаў. Аказалася, справа ў гімне. На гэтай плошчы стаіць манумент, на якім напісаны словы гімна і ноты першага радка гімна. Вядома ж, большасці людзей гэта нічога не кажа, але рэч у тым, што ноты напісаныя… няправільна.Падумаеш, нейкі бемоль прапусцілі. То бок той, хто будзе спяваць па нотах дзяржаўны гімн краіны, прабачце, напяе трохі іншую мелодыю. А можа так i трэба?»
Карэспандэнт «НН» з’ездзіў на плошчу Дзяржаўнага сцяга і паглядзеў на пліту з тэкстам дзяржаўнага гімну.
Пад тэкстам размешчаныя чатыры такты з музыкальнага суправаджэння да гімна, напісанага Несцерам Сакалоўскім. Сапраўды, скульптары забыліся дадаць музычны знак альтэрацыі — бемоль.
Такім чынам, няўважлівыя супрацоўнікі змянілі танальнасць твора з
Недасведчаны ў музычнай тэорыі чалавек не заўважыць наяўнасць гэтай памылкі, аднак гучаць гімн будзе ўсё жпа-іншаму .
З дапамогай простага нотнага рэдактара можна пачуць адрозненні паміж версіямі.
Вось так мусіць гучаць куплет слушнай версіі гімна:
А вось так гучыць гімн, увекавечаны на плошчы Дзяржаўнага сцяга:
Таксама ў тэксце гімна замест працяжнікаў выкарыстаны злучкі, але як і адсутнасць бемоля, гэтая недарэчнасць блякне перад маштабамі самой100-метровай плошчы, на якой усталяваны гіганцкі70-метровы флагшток і сцяг плошчай удзве-тры кватэры ў панэльным доме.
Цяпер чытаюць
Анжаліка Мельнікава пасля знікнення набыла дзве кватэры ў Мінску51
Каментары