Маці і сястра Уладзіслава Кавалёва просяць паведаміць аб месцы яго пахавання
Маці і сястра Уладзіслава Кавалёва, аднаго з двух расстраляных па абвінавачанні ва ўчыненні тэракта ў мінскім метро, просяць паведаміць ім аб месцы яго пахавання. Як сказаў праваабаронца Раман Кісляк, адпаведную заяву Любоў Кавалёва і Таццяна Казяр адправілі 25 красавіка на імя Аляксандра Лукашэнкі, старшыні КДБ Беларусі і начальніка дэпартамента выканання пакаранняў МУС.
Паводле слоў праваабаронцы, у гэтым звароце маці і сястра Уладзіслава Кавалёва спасылаюцца на рашэнне Камітэта па правах чалавека ААН, дзе была разгледжана іх скарга.
У прыватнасці, камітэт указаў, што «захаванне поўнай сакрэтнасці адносна месца пахавання ўяўляюць сабой запалохванне і пакаранне гэтай сям'і шляхам наўмыснага ўтрымання іх у стане нявызначанасці і душэўных пакут».
Кісляк удакладніў, што ў сваім рашэнні Камітэт ААН звярнуўся да беларускіх улад з патрабаваннем паведаміць аб месцы пахавання Уладзіслава Кавалёва яго маці і сястры, а таксама апублікаваць сваё рашэнне ў сродках масавай інфармацыі і прыняць меры, каб такія парушэнні не дапускаліся ў наступным.
«Гэта практыка ўтойвання месца пахавання пакараных смерцю ад іх сваякоў выходзіць за межы цвярозага сэнсу. Я не ўяўляю сабе нейкага разумнага абгрунтавання для захавання такога стаўлення да сем'яў расстраляных», — заявіў праваабаронца.
-
Галоўны рэдактар «Еўрарадыё» Яўген Казарцаў расказаў, як пяць гадоў працаваў на «Спутніку» і колькі зарабляў
-
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве
-
«Можа, Корж мяне і не памятае». Нобелеўскі лаўрэат Алесь Бяляцкі расказаў, адкуль ведае Ваню Дзмітрыенку і Макса Каржа
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве31
Каментары