абноўлена
Я з краю зямлі: першая прамова Папы Францішка
Браты і сёстры, добры вечар!
Як вам вядома, абавязкам канклава было надаць Рыму біскупа. Выглядае на тое, што мае браты-кардыналы дайшлі аж да краю зямлі, каб знайсці яго… але вось мы тут. Дзякую вам за вітанні ад дыяцэзіяльнай супольнасці Рыма.
Перш за ўсё хачу вас прасіць аб малітве за нашага Папу-пенсіянера Бенедыкта XVI, каб Гасподзь яго дабраславіў, а Маці Божая аберагала.
Ойча наш…
Вітай, Марыя…
Хвала Айцу…
Цяпер пачынаем гэтае падарожжа,Біскуп і народ, гэтае падарожжа Рымскай царквы, якая ў любові ўзначальвае ўсе Цэрквы, падарожжа братэрства ў любові і ўзаемным даверы. Будзьма маліцца адны за адных. Будзьма маліцца за ўвесь свет, каб у ім панавала пачуццё братэрства. Жадаю, каб гэты шлях Царквы, які сёння зноў пачынаем, быў плённы для евангелізацыі гэтага цудоўнага горада.
А зараз я хачу ўдзяліць вам дабраславенне, але найперш хачу папрасіць вас аб паслузе. Перад тым, як біскуп дабраславіць народ, я прашу вас, каб вы маліліся, каб Гасподзь дабраславіў мяне – аб малітве народа за іх Біскупа. Памаліцеся – вашую малітву за мяне – у цішыні.
А цяпер я ўдзяляю маё дабраславенне вам і ўсяму свету, усім мужчынам і жанчынам добрай волі.
Браты і сёстры, пакідаю вас. Дзякуй за віншаванні. Маліцеся за мяне, і хутка ўбачымся.
Да хуткай сустрэчы.
Заўтра буду маліцца Багародзіцы, каб яна абараняла Рым.
Спакойнай ночы і добрых сноў!
Цяпер чытаюць
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары