Пасёлак Акцябрскі: адзін дзень жыцця на радзіме Ксеніі Дзягелькі
Пасёлак Акцябрскі, што на Гомельшчыне, — звычайнае мястэчка: некалькі крамаў, савецкага тыпу гатэль, дыскатэка па суботах. Амаль год таму яно на момант стала вядомым на ўсю краіну дзякуючы песні і кліпу Ксеніі Дзягелькі.
Аўтар яе песні і кліпа — Андрэй Павук, лідар мясцовага эпатажнага гурту «Аны». Ад пытанняў пра Дзягельку Андрэй адмахваецца. А вось у свае песні «Аны» заўсёды ўкладаюць добры адсотак іроніі.
Ды й назва гурту — гэта займеннік «яны», толькі на трасянцы. «Хто эта пяе? — Ды эта ж «Аны»! — Аны? — Ну, тыя «Аны», з Акцябрскага!» — імітуюць музыканты магчымы дыялог.
Дарэчы, частку песень музыканты таксама спяваюць на трасянцы, а свой музычны стыль вызначаюць як «калгасны рок». Хлопцы — Андрэй, Віця і Зміцер — ствараюць музыку, якую далёка не заўсёды разумеюць жыхары роднага Акцябрскага, хоць спяваюць яны пра сваё, блізкае.
Мы шпацыравалі з «Імі» па начным Акцябрскім, бавілі час у мясцовых барах, назіралі рэпетыцыю ў прыватным доме аднаго з удзельнікаў гурту, разважалі пра музыку і пра будучыню, пра да болю любімы, хоць і крыху абрыдлы родны пасёлак і пра такі далёкі сталічны Мінск.
Мы вырашылі даць гэтае відэа без аніякіх каментароў. Вось «аны», хлопцы з Акцябрскага — такія, якія ёсць:
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары