Łukašenka, vyhladaje, zbajaŭsia adpravić Sidorskaha ŭ Viečny Horad na pachavańnie papy.
Kab nie paznajomiŭsia z mocnymi hetaha śvietu. Inačaj niemahčyma patłumačyć, čamu ad Rasiei — premjer Fradkoŭ, ź inšych susiednich dziaržavaŭ — prezydenty, a ź Biełarusi, jakuju papa chvaliŭ za sacyjalnyja standarty, pasły ŭ Italii i Švajcaryi.
PALITYKA — TRAŬMATYČNY VID SPORTU. Tak ci inakš, a adziny demakratyčny kandydat musić być vyznačany, i jak najchutčej. Z kałupańniem palcam u nosie palityka maje mała supolnaha. Jana — traŭmatyčny vid sportu. Z «demakratyčnaje piaciorki»-2001 u top-palitycy zastajecca tolki adzin. Niama sumnievaŭ, takaja ž dola — kali nia horšaja, tavaryš Šejman — čakaje ryzykantaŭ-2006. U honcy za aranžavaj majkaj adzinaha ŭ peletonie ŭžo źjaŭlajucca pieršyja achviary. Adsiejvajucca pensijanery i invalidy. Što vy chočacie — da palitykaŭ ludzi stavilisia i buduć stavicca cynična. Ale heta nie aznačaje, što palitykam treba rabicca niemaralnymi. Ludzi prajaŭlajuć cynizm, ale patrabujuć maralnaści. Takaja ŭžo ciažkaja noša demakrata. Aktyvistam, pa vialikim rachunku, usio adno, chto z vas stanie adzinym, spadarovie kandydaty. Rejtynhi ŭ vas adnolkava małyja. Aboje vy raboje. Ale vyznačciesia z adzinym. Kab vas «zubroŭcy» nie zamykali, jak rymlanie kardynałaŭ. Ništo nia maje značeńnia. Tolki vašy šancy na pośpiech. Prajaŭlajcie siabie, demanstrujcie svaju žorstkaść. Čyj impet adčuje vybarščyk? Ź inšaha boku, ad vas mienavita ciapier čakajecca maksymum strymanaści i adkaznaści. Voś jana, ciažkaja misija demakratyčnaha palityka. Nacyjanalnym kandydatam stanie samy perspektyŭny. Astatnim nakanavana abo padtrymać, abo stać raskolnikami.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary