P.L.A.N., 2003
«Mnie ŭžo 55 hadoŭ, a tak šmat treba zrabić», — ščyra pryznajecca Andrej Plasanaŭ, lider hurtu «P.L.A.N.». Tamu pracuje muzyka rupliva, jak kažuć, dušy pasłuchbiučy, užo druhi albom vydaje sioleta. Vychad płytki ledź nia byŭ sarvany: kiraŭniki piŭzavodu «Alivaryja» litaralna ŭ apoši momant admovilisia fundavać albom. U pieśniach «Majo pakaleńnie» (remiks) i «Oj, Dusia, Dusia» kiraŭnictva brovaru ŭhledzieła «palityku».
Pačynajecca albom ź viasiołaha zakliku rabić dzietak, dy «nia prosta dzietak, a biełarusaŭ» («Oj, Dusia, Dusia»), u «Toście pakradzienych śviataŭ» robicca sproba patłumačyć alkahalizm biełarusa, jaki pje za ŭsie prajavy žyćcia, «za toje, što zbyłosia j nie zbyłosia». U pieśni «Luboŭ važniej za nianaviść» (na vierš Siarhieja Zakońnikava) vyjaŭlajecca meta tvorčaści Plasanava: «Ja piaju nia prosta kab narod zabaŭlaci, a kab niešta ŭ dušy abudzici tvajoj». Viadoma ž, nie abyšłosia biez klasyčnaha rok-n-rołu: pieśnia «Rock and roll šaniec» — hetkaja miašanka z tekstaŭ Čaka Bery j Majka Navumienki z damieškam svaich słovaŭ — moža dobra zaradzić enerhijaj z ranicy.
Z elektryčnaha hučańnia kali-nikali muzyki pierachodziać u akustyku, hitarnyja soła nabyli novyja farby. Apošniaje možna patłumačyć udziełam u zapisie hitarysta Andreja Dziamienćjeva z hrupy «Kali Juha». Plasanaŭ užo rychtuje novy albom, hetym razam solny, pad nazvaj «Piasenki samatneha biełarusina», dzie buduć pieśni jak pa-polsku, tak i pa-biełarusku.
Siarhiej Budkin
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie44
Kamientary